ബാറ്റിങ്​ ഇതിഹാസം രാഹുൽ ദ്രാവിഡിനെ ഇന്ത്യൻ ക്രിക്കറ്റ്​ ടീമിന്‍റെ മുഖ്യ പരിശീലകനായി നിയമിച്ചു

രാഹുൽ ദ്രാവിഡിനെ ഇന്ത്യൻ ക്രിക്കറ്റ്​ ടീമിന്‍റെ മുഖ്യ പരിശീലകനായി നിയമിച്ചു. ഇപ്പോൾ നടന്നുകൊണ്ടിരിക്കുന്ന ടി20 ലോകകപ്പിന്​ ശേഷമുള്ള ഇന്ത്യയുടെ ന്യൂസിലാൻഡ്​ പര്യടനം മുതലായിരിക്കും ​ദ്രാവിഡ്​ കോച്ചിന്‍റെ കുപ്പായമണിഞ്ഞുതുടങ്ങുക. ഇന്ത്യയുടെ വന്മതിലെത്തുന്നത് രവി ശാസ്​ത്രിയുടെ പകരക്കാരനായാണ്.

ദുബായിൽ ഐപിഎൽ ഫൈനൽ മത്സരം നടക്കുന്നതിനിടെയ ബിസിസിഐ പ്രസിഡൻറ് സൌരവ് ഗാംഗുലി, സെക്രട്ടറി ജെയ് ഷാ എന്നിവരുമായി നടത്തിയ ചർച്ചയിലാണ് ദ്രാവിഡ് പരിശീലകനാവാൻ സമ്മതിച്ചതെന്നാണ്​ റിപ്പോര്‍ട്ടുകള്‍.

ഇന്ത്യയുടെ ഇംഗ്ലണ്ട് പര്യടനവും ശ്രീലങ്കൻ പര്യടനവും ഒരുമിച്ച് നടന്ന സമയത്ത് ദ്രാവിഡ് കോച്ചിൻെറ ജോലി ഏറ്റെടുത്തിരുന്നു. ശിഖർ ധവാൻെറ നേതൃത്വത്തിലുള്ള ടീം ലങ്കയിൽ പര്യടനം നടത്തിയപ്പോൾ ദ്രാവിഡായിരുന്നു പരിശീലകൻ.